Cuengqgyaj le, gou daeuj- daengz ranz yahdaiq. Miz ngoenz ndeu banringz, yahdaiq lwnh gou vaizmeh yaek roengz lwg lo. Gou angq raixcaix, muengh vaizlwg vaiq di doek okdaeuj.

Daengz banhaemh, vaizmeh lij caengz roengz vaizlwg. Goengda gven vaizmeh haeuj rienghvaiz bae. Daengx ranz vunz youh simgip youh naihsim caj vaizlwg doek okdaeuj. Hoeng vaizmeh cij dwg mbouj dingz hemq “mo——mo——”.

Doeklaeng, rienghvaiz sawq- mwh cienz daeuj sing hemq hung ndeu, gou simgip haenx sikhaek buet bae coh rienghvaiz. “Goengda goengda, ga vaizlwg okdaeuj lo!” Gou angqvauvau doiq goengda naeuz. Gaendwk, gou buekmingh doiq vaizmeh hemq:“Gyayouz! Gyayouz!” Vaiz- meh lumj dingq rox nei, gwnz naj bwnyungzyungz de, raemx- hanh baenz ndik baenz ndik lae roengzdaeuj.

Seizgan baez faen baez miux gvaqbae lo, aenndang vaizlwg dauqdaej okdaeuj lo. Gvaq yaep ndeu, gyaeujvaiz hix okdaeuj lo —— vaizlwg doek okdaeuj lo.

Vaizlwg ngamq doek okdaeuj haenx, daengx ndang dumz- subsub, lij nem miz lwed. Vaizmeh raen le, gipmuengz dawz linx de riz vaizlwg. Vaizlwg rox dwg daxmeh riz de, couh hemq “mo” sing ndeu. Aiq dwg de gyo- mbaiq daxmeh ba! Vaizlwg sawq ndwn hwnjdaeuj. Hoeng ngamq ndwn hwnjdaeuj, ga de baez unq, couh laemx roengz lo. Lienzdaemh geij baez, de cungj dwg yiengh- neix. Hoeng de mbouj dingz roengzdaeuj, doeklaeng dauqdaej ndwn hwnjdaeuj lo. Vaizlwg byaij daengz henz ndang vaizmeh bae, ndaej gwn cijvaiz diemzsubsub lo.

Diuzmingh dwggyaez he doekseng youq ranz yahdaiq, dwg gienh saeh geijlai mizyinx he ha!

(seiq nienzgaep Yangz Yizfanz)