Rumz ci “huhu”, mbawfaex yiengj “sasa”, fwn doek “fafa”, fwn dauqdaej doek lo.

daiq gij rumzbya singjsien nyinh- mbaeq, daiq gij sing goksasa, daiq gij maq- muengh vunzlai, daeujdaengz lo.

Dwg dingqnyi sing de gonq. De daj gwnz ndoi gizgyae buet daeuj, lumj fanhmax biucauj, lumj gyauhyangjyozdonz cingq yienj- danz, “diuzgo” ndaw fwn couh yienghneix hainduj yienjciengq lo. “Sasa、huhu、fafa” dwg fwn ciengqgo, “momo、 mbe’mbe、 vaeuvaeu” dwg doenghduz danqhaenh.

Caiq yawjraen dwg gij yiengh de. Lumj maesei、lumj bwnvaiz、lumj fagcim, daemj deng gumzraemx gwnz dieg, raemx ndaw gumz sikhaek fubfeb gvaengz youh gvaengz; lumh daengz dujva, dujva gingqyienz lae “raemxda”; cup deng gomak, gomak bibi “byoem- gyaeuj” ……

Naedfwn lumj duzduz cinglingz iq, youq gyangmbwn diuqfoux, yawjraen gyoengqvunz daeuj lo, couh diuqbeiz caeuq gyoengqvunz “guhcaemz”, de buet daengz gwnz gyaeuj、gwnz liengj、gwnz buh、gwnz haiz…… gyoengqvunz bae, hoeng, gyoengqvunz cungj dwg ndoj de, neix sawj naedfwn miz di gyaengj lo, hoeng, sikhaek, naedfwn youh lumz bae caez, laebdaeb angqvauvau bae gyaep bae caeuq vunz guh- angq.

Fwn ciemhciemh noix lo. Hoengheiq bienq ndaej sangjswt, sawj vunz roxnyinh sim- sangj uksingj; fwn doek gvaq le, doenghduz lumj daj ndaw ninzndaek raezrangh cwxcaih ndiu daeuj, duzmeuz、duzma、duzroeg saenq aenndang deng fwn rwed dumz de, baenz roix baenz roix cawraemx angqfwngfwng sinz coh seiq baih, lumj sinz gij naetnaiq ndaw ndang bae; fwn doek gvaq le, doenghgo bibi buengq- buengq, lumj dwg cingq doiq vunz guh- unj……

Gou byaij haeuj gyang fwn bae, mbouj siujsim caij deng gumzraemx, raemx liengzsisi sinz deng gwnz ga, mokfaenx caeuq youheiq deng fwn rwed le, couh laeglemx mbinsanq bae, simcingz sawqmwh bienq ndaej soengswt ……

Fwn, gou maij mwngz, maij mwngz gipgip muengzmuengz daeuj, maij mwngz laeglemx doiq bae, maij mwngz dinghdingh louz roengz- daeuj, maij mwngz gyaeundei mbouj yienhda.

(seiq nienzgaep Banh Yidingz)

Fwn