7 nyied 24 hauh, gih raeuz cunghgauj hainduj lo, gungh gauj 3 ngoenz. Youq duenh cunghgauj neix, Yungzsuij Myauzcuz Swciyen Giveij Genhveij caeuq Genjcazyen、Hawciengz Genhduz Guenjleix Giz gyoebbaenz aendoih duhcaz, liuxle mbouj lwnh vunz rox、mbouj dingh bae gizlawz gonq, baenzneix guhndumq bae daengz ndaw yienh 12 giz gaujdenj, dawzyiemz sijsaeq caz yawj gij doxgaiq gwn ndaw hagdangz——baudaengz doxgaiq ndip cawx daeuj、gijgwn ce guhyiengh caeuq veiswngh baenzlawz yiengh daengj. Langh miz gijlawz mbouj hab gveihfan, couh heuh gyoengqde dangciengz gaij ndei dauq, baenzneix guh couh bauj daengx yienh 7000 lai boux hagseng camgya cunghgauj ndaej swnhleih.

（Lungz Linzci/龙林智）