7 nyied 24 hauh, aenban Guengjdoeng Guengjsae doxgap banggungz sonlienh dinfwngz dajsiuq caeuq daemj baengz Dungcuz youq Sanhgyangh Dungcuz Swciyen Gujyiz Cin Nanzcan Segih guh sat gvaq. Ndaw segih neix gyawj 100 boux mehmbwk Dungcuz ginggvaq doxcomz hwnjdangz lienhguh、“aendangz gwnz vangj”daengj lai yiengh banhfap hagsib, rox dinfwngz dajsiuq Dungcuz caeuq daemj baengz Dungcuz. Rox dinfwngz le, gyoengq mehmbwk Dungcuz senj dieg youq de ndaej youq ranz couh miz hong guh, caemhcaiq baengh aen banhfap Guengjdoeng Guengjsae doxgap banggungz neix lai ndei gai bae doenghyiengh vwnzva lijyouz lai lai; neix couh okrengz coengh gyoengqvunz senj dieg youq de lai ndei duetgungz.

（Vuz Lenyinh/吴练勋 Lanz Cwzbingh/兰泽兵）