●7 nyied 3 hauh, 2020 nienz aenban son- lienh dinfwngz bonjsaeh youq Sanhgyangh Dungcuz Swciyen Gujyiz Cin Nanz- can Segih haiban, gungh miz gyawj 70 boux vunz senj ranz doenggvaq “dangz lijlun+dangz caen guh”, hag lienh cawj gij byaek Guengjdoeng、hohleix meh- rungx lwgnomj caeuq swiq doxgaiq yunghdienh ndaw ranz yungh.

（Gungh Bujgangh）

●7 nyied 1 hauh, Cunghsanh Yen Hungzvah Cin Lungzyen Cunhveij gizdieg baij gai huqdoj caen guh gaicawx lo, neix dwg aen yienh neix aen cauhsi daih’it gai huqdoj ranz- gungzhoj. Ndawde gai miz haeuxnaz、mbawcaz、gyaeq- gaeq doj daengj geijcib cungj huqdoj. Yiengh- yiengh huqdoj cungj hauh cingcuj bouxcawj、mingz- coh huq、naekmbaeu、gyaqcienz daengj, caemh daiq miz wveizmaj, ndaej aeu veihsin cawx, fueng- bienh lai. Dandan ngoenz- de couh gai bae 3000 lai maenz huqdoj.

（Cinz Yaujgez）

●7 nyied 3 hauh, Denzyangz Gih Fulenz youq Nazmanj Cin Sinhliz Cunh banh aenban sonlienh din- fwngz dajsan, cingj boux- gisuzyenz ndaw Denzyangz Gvangjfuzyenz Gunghyibinj Cangj daeuj son’gyauq gyoengq mehmbwk youq mbanj hag dinfwngz dajsan lamzfaexcuk, gyoengq meh- mbwk dangdieg maij hag baenzmaz bae.

（Vangz Gozsun)

●Bi neix buenq bi gonq, Yougyangh Gihveij Dungjcanbu youq mbanj bangfuz hwnqguh gij hanghmoeg neix: Song aen hanghmoeg vunz caeuq doenghduz gwnraemx、8 diuz roen canjnieb. 8 aen hanghmoeg neix guhbaenz niemhsou ndei le ndaej yungh gvaq, neix hawj 790 ranz 3036 vunz ndaej ikleih.

(Cinz Yinhlungz)