6 nyied 30 hauh, Swcigih Minz- cunghveij（Minzyijveij）yaenqfat gij yigen saedhengz《Aen Diuzlaeh Hong Vahsaw Siujsoq Minzcuz Gvangjsih Bouxcuengh Swcigih》(gangj dinj heuhguh《Diuzlaeh》). Daj neix dauq- laeng, gih raeuz minzcuz cunghgyau hidungj gyarengz daemxdaej guh ndei seiq yiengh hong daeuz, hengz ndei《Diuzlaeh》.

It dwg gyarengz hag caeuq yungh vahsaw siujsoq minzcuz. Heuhnyoengx gak minzcuz ganbu doxhag vahsaw. Gyaak aeu vahsaw siujsoq minzcuz fugsaeh vunzlai, doinyoengx youq dieg vunzlai yungh vahsaw siujsoq minzcuz, dingh cingcuj Swcigih Minzcunghveij seizlawz gizlawz caemh yungh Sawgun caeuq Sawcuengh; doinyoengx doenghgij gih- gou fugsaeh vunzlai ciuq aeuyungh okrengz fugsaeh vunzlai yungh vahsaw siujsoq minzcuz, doinyoengx gak dieg youq mwh guh hozdung hungmbwk yungh ndei vahsaw siujsoq minzcuz. Gyarengz fanhoiz okbanj gvangjbo yingjsi gvendangz vahsaw siujsoq minzcuz, heuhnyoengx caeuq haeuj- coengh bienhoiz caeuq okbanj bauqceij、doenghyiengh yawjdoeg gvendaengz vahsaw siujsoq minzcuz, vanzlij fanhoiz、cingjleix caeuq yenzgiu saw gaeuqgeq siujsoq minzcuz.

Ngeih dwg doinyoengx vahsaw siujsoq minzcuz ndaej guhdaengz gveihfanva、byauhcunjva、sinsizva. Caeuq gij bumwnz doxgven guhdoih ngeixnaemj dingh’ok gij gveihfan byauhcunj vahsaw siujsoq minzcuz, laebhwnj laebcaez aen cidu saemjdingh fatbouh gij sawloih gveihfan（sawloih moq）Sawcuengh,

Sam dwg gyarengz yenzgiu caeuq baujhoh vahsaw siujsoq minzcuz. Gya- rengz gungganq son’gyauq doengh- boux yenzgiu、biengauj、gicej caeuh canghraiz vahsaw siujsoq minzcuz. Gyarengz hwnqguh aen swhliugu vahsaw siujsoq minzcuz, ciengjgouq caeuq baujhoh gij vah siujsoq minzcuz yaek daimued, caemhcaiq ndaej cingjleix habngamj、ciengxlwenx bauj ce、haifat leihyungh.

Seiq dwg cauhlaeb aendoih vunz- caiz vahsaw siujsoq minzcuz. Caeuq doenghgij bumwnz doxgven gyarengz cauhlaeb caeuq guenj ndei aendoih vunzcaiz vahsaw siujsoq minzcuz, gya- rengz doi doenghboux ganbu ndaw minzcuz cunghgyau hidungj hag song cungj vah, gungganq son’gyauq doenghboux ganbu aeu hag bonjsaeh rox vahsaw siujsoq minzcuz.

（Moz Liujgvei）