●6 nyied 19 hauh, Mungzsanh Yen Youzcwng Gunghswh gyoengq ganbu cizgungh gyaban guhong, coengh ndaw yienh Sihhoz Cin Vajcungh Cunh ranzgungzhoj faen cang dangzrwi baenz daeh baenz sieng, yinh bae Vuzcouh. Ngoenzde gai bae dangzrwi 2500 lai gaen, souhaeuj daihgaiq 7.5 fanh maenz. Seizneix doengh ranz- gungzhoj youz aen gunghswh neix bangfuz haenx, gai dangzrwi liuxcaez gvaq.

(Gvanh Sinh)

●6 nyied 19 hauh, youq Sanhgyangh Dungcuz Swciyen Yangzhih Yangh Anhmaj Cunh, gyoengq mehmbwk Dungcuz、Myauzcuz、Yauzcuz nyaengq nyib mae baizgiuz. Vihliux guh ndei hong duet- gungz gunggeng, aen cunh neix cunhminz hozcozse caeuq Liujcouh Si Gvang’yauz Sanghmou Gunghswh doxgap, yinxhaeuj gij hanghmoeg fwngz nyib lwggiuz, cauhlaeb gij cehgenh banggungz aen cunh neix, hawj gyoengq mehmbwk ndaw mbanj miz hong guh, aenq moix boux ndwen lai ndaej 600 maenz.

（Gunj Yicungh）

●6 nyied 17 hauh, Gvangjsih Bouxcuengh Sw- cigih 2020 nienz“sam gih”vunzcaiz vwnzva gyaak bonj- saeh Yungzsuij Myauzcuz Swciyen dieg gungzhoj（ban sonlienh cab nyumx gisuz）youq Yanghfwnj Yangh Yijbuz Cunh dieggoek ndangdaenj Myauzcuz gawjbanh. Gungh miz 65 boux vunz ranzgungz- hoj、bouxmaij cab nyumx daeuj hag.

(Yinz Minjcwnz)

●6 nyied 19 hauh, “Lozcwngz Mulaujcuz Sw- ciyen 2020 ciubing senhconz haeuj hagdangz hozdung”youq ndaw yienh Daih’it Gauh- cungh hainduj. Ndaw yienh vujcanghbu cwnghbingbu doengh bouxlingjdauj、boux guh hong ciubing gangj gij cwngcwz ciubing ceiq moq de hawj 1000 lai boux hagseng gauhcungh sam nienzgaep rox, gujli gyoengqde dangbing, okrengz hawj guekgya.

(Lij Dwzgunh)