6 nyied 16 hauh banhaet, Swcigih Minzcunghveij dangjcuj cwngzyenz、fucujyin Veih Yungjhungz hwnjdangz, cienmonz gangj dangzgoq《Aen Diuz- laeh Hong Vahsaw Siujsoq Minzcuz Gvangjsih Bouxcuengh Swcigih》(gangj dinj heuhguh《Aen Diuzlaeh》, baih- laeng cungj baenzneix heuh) hawj gyoengq bouxhag ndaw ban sonlienh dingq; aen ban sonlienh neix dwg 2020 nienz Swcigih Minzcunghveij hidungj son’gyauq hagsib gij cingsaenz Cibgouj Gaiq Seiq Cung Cienzhoih Aendangj vanzlij cienmonz hagsib hong minzcuz cunghgyau caeuq cauhlaeb dangjfungh lenzcwng.

Youq gwnz dangz, Veih Yungj- hungz baijok gij saehlaeh sengdoengh, daj goek daengz byai yienghyiengh cungj gangj gij neiyungz《Aen Diuz- laeh》. Veih Yungjhungz vixok, guh daengzdaej doeksaed《Aen Diuzlaeh》neix, ikleih bauj gij gienz gak siujsoq minzcuz sawjyungh caeuq hwngfat vah saw bonjfaenh、baujhoh caemhcaiq ciepcienz vah saw siujsoq minzcuz、sawj vwnzva siujsoq minzcuz hwnghoengh、coicaenh minzcuz doxgiet cinbu.

Daengxcungq bouxhag daj Swcigih Minzcunghveij gihgvanh、danhvei baihlaj caeuq 14 aen si minzcunghveij daeuj de dingq dangzgoq neix.

（Vuz Yungz）