Ngoenzneix raeuz ndaejhoengq

Eu fwen soengq hawj dangj

Ngoenzneix raeuz sim sangj

Daeuj haenh gangj guekcoj

Daengngoenz doek roengz bo

Raeuz gangjgoj daengz haemh

Seizgan baeraemraem

Guekcoj caemh bienqvaq

Dangj gyaez raeuz lwgminz

Ciengxlwenx ninz mbouj ndaek

Seizseiz yawj raeuz naek

Ndaw aek miz lwgminz

Dangj gyaez raeuz lwgminz

Yinx raeuz byaij loh fouq

Vih duet mauh hoj gouq(gaeuq)

Hwnzngoenz youq ndawsim

Caen ndang daeuj daiqdaeuz

Aeu gohyoz ciengx ndaem

Lwgminz bouxboux gaen

Dingq guh caen demsou

Dangj yinx byaij loh fouq

Lwgminz bouxboux gaenx

Ciengx ndaem raeuz ndaej ngaenz

Gwn daenj ngoenz bienq ndei

Gwn imq youh daenj raeuj

Mbouj caiq you deng iek

Haucauh aeu doxgiet

Iet fwngz caez doxbang

Mbanjmbanj doeng goengloh

Hohhoh cungj doeng dienh

Siujgangh aeu saedyienh

Guekcoj caez bienq yiengh

Lajmbanj ceiq ndaej goq

Rex hoj roengz lajmbanj

Bouxhak haeuj daengz ranz

Bang ra gwn bienq miz

Miz dangj daeuj bangcoh

Mbanj goj hix ndaej bienq

Doeng loh youh doeng dienh

Fuengbienh raeuz lwgminz

Mbouj dwg gou gangj gyaj

Lajmbanj ngoenzngoenz bienq

Diegyouq lumj diegsien

Bouxboux lienh daeuj youz

Gwn daenj raeuz bienq ndei

Sevei raeuz bienq vaiq

Baengh dangj dawz raeuz daiq

Simhai lumj vagut

Ngoenzneix raeuz ndaejhoengq

Eu fwen soengq hawj dangj

Raeuz lwgminz lajmbanj

Gaen dangj byaij baenaj