Seizneix, Gozvuyen fuzbinz hai- fat lingjdauj siujcuj gaujhaed gezgoj yienjok, Gvangjsih 2019 nienz duet- gungz gunggeng cingzyauq gaujhaed gyoebhab bingzgyaq ndaej ndei. 2019 nienz daengx bi 20 aen yienh gig gungz haenx gungh gemj gungz 48.25 fanh vunz, 708 aen mbanj gig gungz ok lied, 12 aen yienh gig gungz haenx ndaej duet mauh.

Gih raeuz gyonjcomz gunggeng yivu gyauyuz、 gihbwnj yihliuz、 ranzyouq ancienz “sam baujcang” caeuq gwn raemx ancienz, comzra cienzngaenz, gaijgez gizdinj. Gyavaiq fazcanj gij canjyez yienh gaep、 cunh gaep miz daegsaek. Gyalaeg Gvangj- dungh Gvangjsih lauzvu doxgap, coicaenh gungzhoj vunzhong onj- dingh couhnieb, laeb moq goeng- iksingq gangjvei、 senjcingj bouxhen- ndoeng swnghdai, daegbied ngengcoh 21 aen yienh duet mauh. Guh ndei senjdieg laebdaeb bangfuz, okdaiz aen cienhangh guhhong fueng’anq senjdieg laebdaeb bangfuz, 21 aen yienh duet mauh gyonjcomz buen- senjdiemj gihbwnj moix hoh miz 1 bouxvunz doxhwnj onjdingh couhnieb, gyoengq vunzlai gungzhoj gij naengz- lig gag fazcanj de mingzyienj dem- giengz.

Doengzseiz, saedyienh mbanj- mbanj doengdienh、 doengvangj, caemhcaiq youq 21 aen yienh duet mauh doicaenh aen hanghmoeg saenqhauh 4G vangjloz yiengq aen mbanj 20 hoh doxhwnj haenx cwgoemq.