●2020 nienz doxdaeuj, Yungzsuij Myauzcuz Swciyen Minzcuz Cunghgyau Giz daj dukcoi genjcaz roengzfwngz, gyavaiq doidoengh saujsu minzcuz fazcanj swhginh hanghmoeg gensez bang- rengz duetgungz gunggeng, bauj cindu、 bauj caetliengh、 bauj cingzyauq, hawj saujsu minzcuz fazcanj swhginh hanghmoeg saed- caih cauhfuk gak cuz vunzlai.

（Cinz Cunghdwz）

●Ginhcouh Si haenqrengz cauhlaeb minzcuz doxgiet cinbu caeuq seveicujyi haedsim gyaciz- gvanh, doenggvaq gyalaeg cauh- laeb minzcuz doxgiet cinbu neihanz、 haigvangq senhconz gyauyuz fuengsik, gikfat cingzgamj gak cuz vunzlai, gietcomz rengzgap caez coicaenh minzcuz doxgiet、 caezguh mbanjranz gyaeundei.

（Liu Swjveih）

●5 nyied 12 hauh, Namz- ningz Si Vujmingz Gih minzcuz cunghgyau cwngcwz fapgvi vangj- loz cihsiz doxdax haidoengh. Doxdax yungh gij fuengsik soujgih dap daez bae guh, youz Vujmingz Gihveij Dungjcanbu cawjbanh, Vujmingz Gih Yungzmeizdij Cungsim bang banh, fatbouh youq gwnz gunghcunghau“Vujmingz Yinz”, hozdung lienzdaemh banh daengz 5 nyied 31 hauh.

（Veiz Hwngzli）

●5 nyied 14 hauh, Gvangjsih Cungzcoj Henzguek Guenjleix Cihdui lienzhab gak bouhmonz dukcaz Aiden Cin henzgyaiq itsienq, caez guh ndei gij hong fuengzre binghraq daj guekrog cienz haeuj, giengiet cukmaenh diuz fuengzsienq douguek.

（Couh Yizgangh）