Youq gwnz ranz mbouj onj,

Sim boekfonj linlin,

Gwn haeux dangq gwn rin,

Diem din ok dou ranz.

Diem din ok dou ranz,

Raen bya sang dawz mok,

Baez yamqdin daengz rog,

Laep mok mbouj raen vunz.

Baez diem din roengz lae,

Sim couh maez lauxbiuj,

Yamq byaij geij yamq yiuq(yawj),

Muengh lauxbiuj daengz henz.

Gvaq cib rungh gouj bya,

Mbouj nyangz ndaej vavengj,

Gvaq cib rungh gouj geng,

Dwgrengz lai youxnoix.

Gvaq cib rungh gouj bya,

Mbouj nyangz va gimsienq,

Siengj daengz youx couh niemh,

Yietliengz caj bouxyoux.

Okrog daeuj cet bya,

Go lawz va sigloux,

Okrog daeuj ra youx,

Bouxlawz dwg dah gyaep?