Gou caemrwgrwg naengh youq laj

goek go’ndoek

Caj mwngz daengz ndang ndok

mazmwnh

Daengngoenz doek roengz bo

Mbouj raen gij ngaeuz mwngz

gvaqdaeuj

Gou rox mwngz bae mbouj caiq dauq

Youq gwnz roen seizcoz

Mwngz mbouj caiq doxdauq

Bi’gvaq caeuq mwngz naengh youq

laj goek go’ndoek

Bineix rangz gaenq maj sangset

Mwngz youq laj go’ndoek boq dig

Sing dig

Vaq baenz rumzcou ci daeuj

Rumz boq haeuj ndawsim gou

Gyoetradrad

Caek raemxda

Doek dek le ndaek rin’gyaeq

Vih mwngz

Gou nyienh ngoenz daengz hwnz

Niemh mwngz

Go dawz mingzcoh mwngz deu haeuj

go’ndoek bae

Moix baez sim’in aekdiuq

Raen daengz mingzcoh mwngz

Gou couh simva hai angj