Beixmbauq ha, mwngz laihnaeuz duzroeg iq ndaw roengq cingq guhfwen ma? De cingq daejnga’nga siliengz lai go.

Beixmbauq ha, langhnaeuz mwngz goj dwg duzroeg iq, dwg duzroeg iq gyaez guhfwen ndeu; langhnaeuz mwngz goj deng vunz gaeb daeuj gyaeng youq ndaw roengq, mbouj ndaej mbinfiufiu youq gyangmbwn angqfwngfwng nauq, mbouj ndaej youq ndaw ndoengfaex guhcaemz angqvauvau nauq, mwngz lij angqfaengz lwi？Mwngz lij eu ndaej ok fwen angqfaengz lwi?

Beixmbauq ha, hawj duzroeg iq youq ndaw ndoengfaex gwnz ndoibya guhfwen angq- vauvau, mbouj ndei ma? Vihmaz gaeb duzroeg iq daeuj gyaeng haeuj ndaw roengq iqiq neix bae ne? Vihmaz mwngz hawj duz- roeg iq daejnga’nga siliengz baenzneix ne?

（Daj《Bonjsei Sim Lwgnyez》（Veiz Gizlinz raiz）senj okdaeuj, Lwg- fwngzmeh/卢奋长 hoiz）