●Daj bi 2018 doxdaeuj, Denzlinz Yen laebdaeb haeujlaeg bae guh“bak aen giyez bang bak aen mbanj”. Dangqmaj, aen yienh neix gaenq cauhlaeb 19 aen banggungz cehgenh, sou vunzhong ranzgungzhoj senjdieg haenx 996 boux daeuj guh- hong, dangqnaj gaenq bang- coengh 1000 lai ranzgungzhoj vunzhong ndaej youq gyawj ranz guhhong.

(Dwng Veijyuz)

●4 nyied 29 hauh, Loz- cwngz Mulaujcuz Swciyen Dunghmwnz Cin gwnjhengz ndaw yienh gak giyez bang gungz coengh hoj gien soengq yizsi. Gvangjsih Lozcwngz Sinlinz Fangzdicanj Youjhan Gunghswh daengj 29 aen giyez bangcoengh gungh soengq 40.3 fanh maenz, coengh aen cin neix guh ndei hong banggungz.

(Luz Ciuhyinz)

●Geij bi neix daeuj, Denh- ngoz Yen baengh ndoengfaex lai, haenqrengz saedhengz aen gunghcwngz gyagoeng faex, doenggvaq yinxhaeuj caeuq gungganq buek giyez lingxdaeuz ndei, haenqrengz hwngfat benj vunz guh daengj doxgaiq aeu faex gyagoeng haenx, hawj faex ndaej leihyungh lai lai caeuq doxgaiq lai dij cienz, bangdoi linzyez canjnieb daez caetliengh gya yauqik.

(Denz Siyenj)

●Geij bi neix daeuj, Dunghlanz Yen Aidung Cin Bohlah Cunh mboujduenh gyalai canjnieb gezgou diuzcingj ligdoh, laebdin gijndei canjnieb swhyenz bonjfaenh, yungh swhyenz diuz- gienh ndei, hwngfat gij hangh- moeg dinj bingz vaiq, ndaem gvehoengz, gyalai vunzlai dang- dieg souhaeuj.

(Mungz Ginhdauz)

●Mboengqneix, Nanzdanh Yen Swhfazgiz cauhmoq bujfaz hingzsik, youq gwnz muengx fat eu fwen bujfaz sibinz, bae daengz dieg fat ceksaw senhconz bujfaz song cungj fuengsik dox giethab, senhconz faplwd fapgvi hawj vunzlai. Doenggvaq cungj fueng- sik vunzlai haengj dingq gyaez yawj haenx, hawj vunzlai yinx hag faplwd, gyalai senhconz bujfaz, daezsang gij fapceih eiqsik vunzlai.

(Liz Cwngzcwngz)