“Cin hah daengz cou doeng, mbouj doxdoengz geiqciet, ndaem haeux ndaem maenz biek, mbouj deng iek ndwenngoenz……” Hot fwen《Ngeihcibseiq Cietheiq》 hagdangz dou gag guh haenx, gij singfwen rwenzrwz ndeidingq, haeuj sim haeuj bwt. Gij yaemdiuh Vahcuengh biu hwnj biu roengz mbinfefe, roxnyinh lumj raemxmboq sawdik danhmwd- mwd ndaw bya, lumj fwjmok fouzfang- fang gwnz mbwn, sawj vunz sim sangj- fwtfwt. Gyoengq doengzhag ngoenz- naengz eu fwen angqfwngfwng, rox- daengz bouxguhnaz raeuz ndaej gaem- dawz aen gvilwd dienheiq geiqciet bienqvaq, gohyoz anbaiz hong ndaem naz ndaem reih, gamjsouh daengz gij vwnzva Cunghvaz minzcuz raeuz gvangqlangh naeklaeg.

Hagdangz dou dwg aen hagdangz ndaw cin lajmbanj, hagseng dingzlai dwg ranz youq lajmbanj bonjdieg, gyoengqde lailai noixnoix cungj rox di Fwencuengh. Vihliux swnjcienz gij vwnzva fwenliuzloz, Lij Swngcwngz yaucangj daraeh yawj ndaej gyae, daj bi 2014 hwnj dawz fwenliuzloz yinx haeuj goqdangz, sawj fwenliuzloz ndaej yungz haeuj ndaw dauhdaek sonhag bae.

Ginggvaq roengzrengz guh geij bi, bi 2018 ndwen 2, hagdangz dou couh baengh aen hanghmoeg swnj- cienz fwenliuzloz, aeu ndaej aen mingzdaeuz “Aenhagdangz Daengx Guek Cungh Siujyoz Cienzswnj Vwnzva Yisuz Maenhndei Cunghvaz”. Siusik baez cienz daengz hagdangz, daengxcungq lauxsae hagseng boux- boux angqvauvau faengzfwdfwd！

Lij yaucangj leihyungh seizgei ndei diegdeih ndei vunz doxhuz gij ndeicawq neix, daiqlingx gyoengq lauxsae hagseng youq gwnz dangz、gwnz banhoih、laj guekgeiz eu fwenliuzloz, yiengjsouh gij meiliz Fwencuengh, doengzseiz lij aeu fwenliuzloz daeuj senhconz “sevei cujyi haedsim gyacizgvanh”. Gyoengq lauxsae gag biensij gij fwenliuzloz miz son’gyauq yiyi de, lumj “fwen laex- mauh” “fwen ancienz” daengj. Hag- dangz lij doenggvaq “roek it” “yenz- dan” vwnzyi biujyienj, doenggvaq gyahcangjvei、bangaep banjbau、gvangjbo daengj, aeu gij fwen- liuzloz dojdat neix yiengq gyahcangj yiengq gwnzbiengz cienzson dauhdaek gyauyuz.

Lij yaucangj sij souj fwen《Guek Raeuz Ndaej Fukhwng》haenx, youq dieg dou ciengq ndaej hoenghhwd. Aen sibinz biujyienjciengq gyoengq lauxsae hagseng biujyienj de aeu ndaej gaiq daihcib Nanzningz Si cungh siujyoz hagdangz yingjsiciengj bingzbeij hozdung ngeihdaengjciengj caeuq Cunghyangh Den’gyaugvanj hagdangz yingjsi ngaenzciengj. Doek- laeng ndaej daegdaengq iu bae camgya Gvangjsih Densidaiz “Segih Damingzsingh” doxdax aeu ndaej cingzcik ndei. Lij ndaej camgya le bi 2016 Gvangjsih Minzgoh Yisuzcez bozvuzgvanj godaiz fwenliuzloz yienj- ciengq. Hagdangz lij cujciz “mbaq dawz rapnaek, saedyienh siengj- muengh liuzloz” bi 2016 yenzdan doxdax eu fwenliuzloz hozdung, hoz- dung saedsaeh cingzgvang ndaej youq gwnz lanzmoeg《Yauyenz Caisen》Nanzningz Densidaiz boq okdaeuj. Hagdangz laebdaeb gawjbanh bi 2017、2018、2019 “sam nyied sam” fungsug Bouxcuengh vwnzvacez cungj baenz dangqmaz. Bi 2017 ndwen 6 ngoenz 11 daibyauj Liengzging Gih bae camgya “hawfwen Bouxcuengh haeuj hagdangz cwngzgojcanj” youz si vwnzsinhgvangjgiz、si gyauyuzgiz cawjbanh, youz Nanzningz Densidaiz ingjguh haenx, ndaej caeuq daengx si gak yienh gih hagdangz daibyauj itheij, yienh’ok le gij cwngzgoj gaenh bi daeuj hawfwen vwnzva Bouxcuengh swnghdai baujhu gensez ndawde “feihyiz haeuj hagdangz” haenx.

Dou yungh aen banhfap son fwenliuzloz neix, guh ndei dauhdaek gyauyuz, sawj gij hong doicaenh cizlieng gyauyuz hagdangz dou ndaej gaihcanj hoenghhubhub. Gij lwghag dou ndaej angqfwngfwng ciepcoux minzcuz vwnzva gyauyuz, fwenliuzloz couh baenz le diuzdongh daemxcengj gij cingsaenz gyoengqde hungmaj baenz vunz baenz caiz, ndaej sawj gyoengqde demgya dauhdaek yisiz, ndaej hauqgingq bouxlaux, doiq baengzyoux ndei, simmaij gwnz- biengz, ndiepgyaez aen guekcoj hungmbwk raeuz.

Gyo ndaej fwenliuzloz, gij fung- heiq mienhmauh gyoengq hagseng aen hagdangz dou cungj ndaej bienq ndei lailai. Hagdangz aeu “fwngz iq rag fwngz hung”, daj fwenliuzloz hainduj guh hengzdoengh, yiengq gyahcangj yiengq sevei cienzboq vwnzva Bouxcuengh, vih gij minzcuz vwnzva maenhndei ciuhgeq raeuz ndaej fukhwng hwnjdaeuj ok di rengz. Seizneix, fwenliuzloz gaenq ciengq ok le dauhdaek gyauyuz hagdangz dou, ciengq ok le gij vwnzmingz Nazheuj! Gyoengq lwgnyez Mbanjcunegh cingq ngoenzngoenz hungmaj baenz vunz！

(Vangz Lunzfangh/黄伦芳)