Ndaw ndoengfaex yaek guh beij gyaeundei doxdax, gyoengq doenghduz faenfaen daenj hwnj buh ceiq gyaeundei, daj seiq mienh bet fueng comz daeuj doxdax. Doxdax sikhaek bienq ndaej nauhyied dangqmaz.

Doxdax hainduj lo, roegyengj sien okciengz, de daenj buh vava loegloeg, daiq aen mauh moq ndeu, gyaeundei dangqmaz. Ciepdwk roeg- gungjcoz okciengz, gij bwn de gak saek gak yiengh wenjmyabmyab,gyaeundei dangqmaz.

Ceiq doeklaeng okciengz dwg roegga，de baez okciengz, gyoengq bouxyawj cungj riuhaha hwnjdaeuj. Aenvih de daengx ndang ndaemndet- ndet yakyawj dangqmaz.

Cingq youq seizneix, fag giemq raeh ndeu camx coh roeggungjcoz, seizneix roeggungjcoz lij maez youq ndaw bouxyawj haenh de, lij mbouj dingz baij ok gij gyaeundei de hawj daihgya yawj.

Roegga yawjraen le haenqrengz hemq:“Vaiq！Vaiq! Vaiq ndojdeuz!”De itmienh haenqrengz hemq itmienh ganjgip coemj gvaqbae, yungh rengz nyoengx roeggungjcoz. Roeggungjcoz laemx roengz gwnz namh bae, danhseih de yawjraen faggiemq cingq camx youq gwnz ndang roegga seiz, de gamjdoengh dwk doiq roegga naeuz: “Docih mwngz! Danghnaeuz mwngz mbouj dingj gou dangj giemq ne, gou gaenq sieng lo!”Roegga ngunhngwd- ngwd naeuz:“Mbouj miz maz lo, vihliux baengzyoux, bouxlawz cungj baenzneix guh.”

Gangj sat, roegga couh hoemj youq gwnz deih lo, yawjraen gijneix gyoengq doenghduz cungj comz gyaqdaeuj yawj roegga.

Doeklaeng, bouxcaizbuenq duz- gaeng lwnh daihgya, baez doxdax neix daih’it mingz dwg roegga. Duzgaeng lij son’gyauq gyoengq doenghduz: Maj ndaej ndeiyawj youqgaenj, danhseih simndei engq youqgaenj.

(bouxlauxsae son’gyauq： Lij Vwnzhaij/李文海)