●Vih doicaenh “seiq aen canjnieb iq”, hawj ranzgungzhoj laisou, bauj- maenh ranz caepcawq vut gungz ndaej dawzseiz vut gungz, ndwen 4 ngoenz 9, Lozyez Yen Lozsih Yangh fat gaeqlwg hawj ranz caepcawq vut gungz mbouj aeu cienz. Ciuq cam rox, Lozsih Yangh cingjhab ngaenzcienz 9.8 fanh maenz cawx 4900 duz gaeqlwg, fat hawj 96 ranz caepcawq vut gungz caeuq 2 ranz bingz mbouj hwnj gungzhoj mbouj aeu cienz, moix ranz ndaej 50 duz gaeqlwg.

(Vangz Yuiyingz)

●Mboengqneix, Cing- sih Si Sinhgyaz Yangh fat dinfaexmak hawj ranz- gungzhoj Dungbingz Cunh mbouj aeu cienz, gungh fat makgam、makdoengj daengj dinfaexmak 13405 go, miz 48 ranz 254 vunz ndaej leih. Daengz seizneix, aen yangh neix bineix gyoepsuenq diuhyinh dinfaexmak 72558 go, gomak dajndaem moq najdieg 967 moux.

(Vangz Luyingh)

●Vih gaijgez gij nanz- daez cunhcizdij ginghci hwngfat, Denzyangz Yen aeu hong dangjgen caeuq cunh- cizdij ginghci hwngfat gaenj- ndaet doxgiet, youq Douz- dangz Cin damqra guhbaenz gij vunqsik hwngfat “hoz- cozse+dangjcihbu”, baengh aen hozcozse ciennieb daj- ciengx rwidoj dangdieg haeujcoengh dinfwngz, daiq aen cin neix 8 aen cunh daj- ciengx rwi, moix aen cunh moix bi miz ca mbouj geijlai 2 fanh maenz ngaenzcienz cizdij.

(Vangz Cwngyiz)

●Bineix doxdaeuj, Lozcwngz Mulaujcuz Swciyen dingjmaenh yawhfuengz binghraq caeuq dauq guh- hong dauq haihong song fwngz gaem, couzcomz 5 fanh aen goujcau soengq hawj daengx yienh 48 aen giyez, caemhcaiq yungh sim doidoengh gak hangh cwng- cwz leih giyez doekdeih, hawj giyez dauq haihong doengrat. Seizneix, daengx yienh daengxcungq giyez gaenq cienzbouh dauq guh- hong dauq haihong.

(Mungz Cwnghswh)