Mboengqneix, aen yangh sawq- diemj yungh song vah cienz gohyoz dieg minzcuz vunznoix henzguek daengx guek Dwzbauj Yen Duh’anh Yangh cawz laebdaeb yungh Cuengh Gun song vah guh ndei cienz gij cihsiz fuengz binghraq, yiemzfuengz vunzlai aenvih “sam nyied sam Bouxcuengh” caeuq cingmingz caeqbaiq vunz doxcomz lai caeuq doxcomz gwnhaeux ngaiz cienz binghraq le, lij cauhmoq yungh song vah cienz gohyoz, haeuj mbanj haeuj ranz, bae daengz gyang reih gyaeuj naz, haiguh denswj sanghvu、dajndaem gonengznuengx dajciengx nonsei、din- fwngz dajciengx、 fuengz ndoengfaex feiz coemh daengj cwngcwz leih daengz vunzguhnaz、 yungh song vah son- gyauq dinfwngz dajndaem, bangrengz fuengz binghraq mbouj soengsat, seizcin dajndaem mbouj nguh seiz, ndawbiengz guhhong gvaq ngoenz miz bouhloh.

Lumjbaenz Duh’anh Yangh dang- ciengz son’gyauq dajndaem gonengz- nuengx dajciengx nonsei, vunz son dinfwngz yungh Vahgun gangj lwnz ndeu baenzlawz dajndaem gonengz- nuengx dajciengx nonsei ndei gonq, leuxcih yungh Vahcuengh dangdieg gangj lwnz moq, daj gonengznuengx maj、leh dinfaex、dajndaem deih cax、dwk bwnh caeuq dajciengx nonlwg、fuengz binghnonhaih daegbied dwg fuengzyw baenz binghnong gangj ndaej caezcienz, gangj hawj vunzlai rox caez, caemhcaiq dangciengz son vunzlai dajndaem gonengznuengx. 16-60 bi goengrengz gungzhoj Duh’anh Yangh laeb dangjanq laeb gaj haenx、gyoengq nungzhoh daiqbiuj dajndaem gonengz- nuengx dajciengx nonsei yungh sim dingq gangj, caemhcaiq giethab gij saedsaeh dajndaem gonengznuengx dajciengx nonsei yungh Cuengh Gun song vah cam boux son dinfwngz, yungh song vah doxgangj cienz gohyoz gyalai son’gyauq yaugoj.

Daj ndwen 1 doxdaeuj, Duh’anh Yangh gungh guh 4 baez hozdung son- gyauq dangciengz yungh song vah cienz gohyoz, vunzlai ndaej son’gyauq ca mbouj geijlai 250 vunzbaez, doenggvaq son’gyauq gyalai gij saenqsim caeuq gietsim vunzlai laisou、vut gungz baenz miz, ndaej daengz gij muzdiz vih yungh bae hag. Ciuq cam rox, geij bi neix daeuj, Duh’anh Yangh dawz canjnieb hwngfat guh goek, doenggvaq yinxhaeuj aen giyez lingxdaeuz hwngfat canjnieb、gungganq cauhnieb baenz miz daiq- daeuz daiqdoengh baenz miz、gunghawj son’gyauq dinfwngz daengj banhfap, haenqrengz doicaenh banggungz canj- nieb hwngfat, guhbaenz le dawz mak- doengj、nonsei guh daeuz, oij、gaujien、makgak、mou、gaeqnoh daengj guh bouj canjnieb gwzgiz lai yiengh.

(Moz Liujgvei Cangh Haijyingh Vangz Yui)