Seizcou daeuj lo, mbaw- faex loenq liux lo, daihdeih lumj daenj hwnj geu buhbwn henjgim ndeu. Doenghgij mbawraeu hoengzoq baenz mbaw baenz mbaw biu doek roengzdaeuj, lumj baenz duz baenz duz mbungqmbaj mbin nei.

Youq giz mbouj gyae, miz go’ndae ndeu, mbaw cungj loenq liux, gij makndae henj- gim vanzlij venj youq gwnz nyefaex, lumj baenz aen baenz aen daengloengz, maezvunz dangqmaz. Baenz gyoengq baenz gyoengq lwgnyez diuq- diuq yatyat angq dangqmaz, gyoengqde yaep ndeu yawj gij makndae henjgim, yaep ndeu youh buet deuz lo.

Ndaw gunghyenz vagut hai lo, gij hoengz lumj faez- mbaw、gij maeq lumj fwj- gyaepbya, gij hau lumj fwj- hau, vava loegloeg, ndeiyawj dangqmaz.

Yienznaeuz doek mwi lo, danhseih daxgoeng gocoengz vanzlij daenj buhraez heu- oiq, yienghsiengq ndaenggon dangqmaz.

Mbwn liengz lo, doenghgij duzbid ceiq gyaez ciengqgo haenx ndoj haeuj ndaw rungj daxmeh bae menhmenh ninzndaek lo. Noucoengz iq hix vuenh geu buhbwnyungz hung nanwtnwt he, caeuq gyoengq doih youq gwnz ngeiqfaex diuq bae diuq dauq, dwggyaez dangqmaz.

Seizcou caen gyaeundei, gou gyaez seizcou.

(Goh Cinzrui)