Souh binghraq sinhgvanh feiyenz yingjyangj, gyoengq hagseng Nanzningz Swhfan Dayoz 2017 gaep siujyoz son’gyauq ciennieb (Cuengh Gun song saw vah fuengyiengq) cingq youq gwnz muengx lienhguh son- gyauq. Lienhguh son’gyauq dwg hagseng swhfan ciennieb yiengh hong youqgaenj ndeu. Codaengj gyauyuz yozyen gyoengq lauxsae guhhong dazyinx haenx faen buek haeuj aen gyoengq QQ dazyinx hagseng beigo、sij son’gyauq fueng’anq, dingq hagseng sawq lienh son saw. Hagseng siujyoz son’gyauq ciennieb (Cuengh Gun song saw vah fuengyiengq) gunghfei dinghyiengq dingzlai dwg vunz lajmbanj, bungz hojnanz cungj ndaej nyinhcaen lienhguh. Gag aeu bangxciengz guh hwzbanj, ndaw ranz gyukcauz lai couh aeu dieg dinghcaemh rog doengh guh gyausiz, saenqhauh ca couh seiqlengq byaij ra saenqhauh…… 146 boux mbouj miz saek boux sinhcingj doilaeng. Guh caez gij hong gwnz muengx.

(Loz Yiyenz/罗聿言 Veiz Siuh’ai/韦宵爱 Cinz Cozli/覃作利 Veiz Cuhminz/韦朱民)