Liggaeuq Sam nyied sam, dwg aen ciet conzdungj Bouxcuengh, vih hawj hagseng engq lai rox gij fungsug ngoenzciet Bouxcuengh， Nanzningz Swhfan Dayoz Bouxcuengh Vwnzva Hezvei gawjbanh “Angq Gvaq Sam Nyied Sam, Swnjciep Vwnzva Raeuz” hozdung, youq gwnz muengx, daiq daihgya roxyiuj Sam Nyied Sam Gvangjsih.

Baez hozdung neix youq gwnz muengx hopheux “Angqhoh Ngoenzciet Sam Nyied Sam, Caez Yawj Gingj Ndei Dieg Betgveiq”, yungh lai cungj hingzsik langhbaij gij funghcingz “sam nyied sam” mbanjranz swhgeij. Miz mbangj baijok gij mbawsiengq haeux- naengj haj saek caeuq ceizngaih daengj lai cungj gijgwn ngoenz “sam nyied sam” ingj haenx; miz mbangj guh aendomq caeuq dajsiuq daengj gungh- yibinj fwngzguh miz minzcuz daegsaek Bouxcuengh; lij miz mbangj gag ingj- guh sibinz eufwen、daxgoeng daeglan guhcaz daengj. Doengh gij cozbinj neix, cungj doenggvaq gij gunghcunghau Bouxcuengh Vwnzva Hezvei doisoengq fatbiuj, hawj engq lai vunz caez yiengjsouh.

Baez hozdung neix, haeujlaeg gamjsouh conzdungj vwnzva Boux- cuengh, hawj hagseng gag rox baujhoh minzcuz vwnzva、gyalaeg ndiepgyaez minzcuz caeuq guekcoj，caemhcaiq ndaej doidoengh hagdangz minzcuz doxgiet cinbu.

(Cwngz Danhyingj/成丹颖 Sung Ciuhlinz/宋秋霖 Fanz Yijsuij/樊雨水 Cinz Meijgyah/覃美嘉 Loz Yungj/罗 永)