Bouxcuengh gingq laeuj cix eu fwen,

Beijfwen dek swenz ndei ndoet laeuj;

Bouxhek yied lai sim yied raeuj,

Lumj rumzcin daeuj gvaq byai bo.

Bouxhek daeuj daengz bakdou ranz,

Sam cenj laeuj van gingq beixnuengx;

Laeujhaeux homngauq hai bak ciengq,

Cingzngeih Bouxcuengh bungj youq fwngz.

Beijfwen ok bak mbouj ndaej sou,

Ndaw cenj miz laeuj mbouj ndaej ce;

Laeuj rim gingq hek gou sien ndez(ndoet),

Saek nyit saek nye hix mbouj roh.

（Cinz Siengzcouh hoiz）