Aen sujgyaj gou maqmuengh haujlai nanz haenx daeuj daengz lo, gou angqvauvau. Daxmeh naeuz yaek hawj gou bauq aen beizyinbanh youzraemx ndeu, hawj gou youq sujgyaj hag rox youzraemx. A! Caen roxnaeuz gyaj? Gou hag ndaej rox lwi? Gou mizdi youheiq.

Ngoenzneix banringzgvaq, dax- meh daiq gou daeuj daengz youz- yungjgvanj. Bouxgyaulen heuh gou vuenh ndangdaenj, liuxle gou ganj- muengz vuenh ndei ndangdaenj youzraemx, daenj ndei mauhyouz- raemx caeuq gingqyouzraemx, daeuj daengz henz youzyungjciz. “Raemx laeg dahraix! Gou mbouj deng mbaet raemx dai ba?” Yawj gij raemx sawsaw haenx gou sim couh vueng lo. Caiq yawj ndaw youzyungjciz miz haujlai boux siujbaengzyoux iq gvaq gou cungj lienh youzraemx, gou vihmaz guh mbouj ndaej ne? Haenq- rengz sup gaemz heiq ndeu, gag dajciengj, gou mbouj naemj lai, menhmenh roengz raemx bae.

Bouxgyaulen hawj gou hag mbaetheiq gonq, gou sup gaemz heiq hung ndeu gonq, liuxle ndaem roengz raemx bae mbaetheiq, boux- gyaulen lwnh gou mbaet yied nanz yied ndei, neix gou couh lienh bae lienh dauq. Doek- laeng bouxgyaulen naeuz ca- mboujlai lo, heuh gou bomq youq henz youzyungjciz, song din coq youq ndaw raemx, gaem song din gou, son gou sou ga、gungj gyaeujhoq、fan fajdin、ngaeu byaidin caeuq cengj ga. Va! Hag youzraemx aeu baenzneix lai fuengfap ha! Bouxgyaulen riu le doiq gou gangj:“Hag youzraemx mbouj ngaih baenzlai, deng haenqrengz cijndaej!”Gou haenq ngaek gyaeuj, laebdaeb ciuq gij fap de bae nyinh- caen lienh.

Gvaq yaep ndeu couh roengz- dangz lo, gou soengz youq henz youzyungjciz yawj doenghboux siuj- baengzyoux gaenq rox youzraemx, youq ndaw raemx lumj duzbya it- yiengh angqvauvau youz bae youz dauq, dahaenz dangqmaz. Gou sim- saenq coglaeng cijaeu gou gaenx lienh, itdingh hix rox youzraemx. Neix caen dwg dangz youzraemx mizyinx dangqmaz bw!

(Cauz Lingzveih/曹凌薇)