●Geij bi neix daeuj, Siengcouh Yen ciuq dieg bae guh, hwnjguh dieggoek ndaem caz, yinxhaeuj boux- ak dinfwngz, aeu hwngfat daegsaek canjnieb caeuq “hozcozse+ranzgungzhoj” banggungz vunqsik dox giethab, caemhcaiq yungh gij vunqsik vunz ndaem caz doengjit guenjleix、mbaet、soucawx、gyagoeng、gai daeuj guhndei diuzlienh canjnieb, daezsang gij ginghci yauqik mbawcaz canjnieb.

(Vangz Liyen)

●Geij bi neix daeuj, Denhngoz Yen baengh gij rengz gohgi swcigih、Hozciz Si gohyenz danhvei, cingj- hab yienh gaep gohgi dwz- baiyenz, ciuq gij bangfuz hingzsik “canjnieb gapdoih、yienh gaep gapdoih、dingh diemj daengz mbanj、dungjcouz diuhdoh”, hop- heux dangdieg daegsaek dajndaem dajciengx bangfuz canjnieb haiguh bangfuz fugsaeh, vih aen yienh neix daezhawj gij dinfwngz cengjdingj hung’ak.

(Banh Suhungz)

●Geij bi neix daeuj, Nanzdanh Yen gyalai gij ligdoh bangfuz dinfwngz, youq Bazhih、Lijhuz daengj yanghcin laeb dieggoek dajndaem ngaeux, ciuq doengjit cingj dieg daj- ndaem、doengjit guenjleix dwk raemx、doengjit son dinfwngz、doengjit fuengz binghnon、doengjit sou “haj aen doengjit” iugouz hwng- fat dajndaem ngaeux, guh- yiengh daiqdoengh daj- ndaem ngaeux daengz 1000 lai moux, moux sou ndaej 3000 goenggaen doxhwnj.

(Cangh Cin)

●Geij bi neix daeuj, Baksaek Si Yougyangh Gih ra cinj diuzroen hwng- fat canjnieb, gaenxmaenx daiqdoengh ranzgungzhoj haenqrengz hwngfat daeg- saek canjnieb, dajcauh nungzyez canjnieb binjbaiz, senjdingh dajndaem mak- gaivaiz、oij、youzcaz、batgak、haeuxnaz ndei caeuq daj- ciengx mou、gaeq daengj canjnieb dangguh daegsaek canjnieb vut gungz ndaej fouq.

(Veiz Mingzsiz)