“Sam nyied sam Bouxcuengh·aen ciet angq Betgveiq” vwnzva lijyouz siufeiq binjbaiz ginggvaq Swcigih Dangjveij、Cwngfuj laebdaeb seiq bi roengzsim dajcauh, gaenq baenz aen hoihhoengh langhbaij gij yinxdaeuz minzcuz vwnzva、doidoengh ginghci hwngfat、coicaenh minzcuz doxgiet. Bineix “sam nyied sam” cawjdaez dwg “hoenx binghraq、buet siujgangh、baenaj seizdaih moq”， maeuzveh baenzroix hozdung gwnz muengx miz daegsaek、 miz cauh’eiq. Ndwen 3 ngoenz 23, “sam nyied sam Boux- cuengh·aen ciet angq Betgveiq” daihhingz cawjdaez vangjyez cingqsik hwnjsienq, cingjhab “bauq、muengx、veih、donh” swhyenz, daengx gih gak dieg daengxcungq gwnz muengx “sam nyied sam” hozdung “daengx muengx doeng”.

Ciuq anbaiz, Gvangjsih Sinh- vwnzvangj hailaeb PC donh “sam nyied sam Bouxcuengh·aen ciet angq Betgveiq” cawjdaez vangjyez, Gvangjsih Yinz gwzhudonh hailaeb soujgihdonh cawjdaez vangjyez iq, doxyungz Mancuengh、aemdomq、Liuz Sanhcej daengj gij yenzsu Bouxcuengh, gig miz Gvangjsih daegsaek. Yiebmienh daeuz cungdenj langhbaij “sam nyied sam” hozdung saenqsik、dieg muengxyoux louz vah、dieg guhcaemz doxdoeng daengj, yiebmienh lwg couh yungh doz、saw、sing、sibinz、H5 daengj hingzsik doxyungz yienh’ok “heiqfaenh Mbanj- cuengh noengz”“doxduenq youz Gvangjsih”“angj minzcuz dijyuz”“ciet ndwenngoenz raeuj sim”“doxhuz youq Betgveiq” haj aen banjgvai neiyungz fungfouq, fat hozdung saenqsik、doz saw sibinz、cigboq vangjcij daengj, doengzseiz lij lienzhab Cunghyangh meizdij、daengx guek cujyau sanghyez vangjloz meizdij caeuq daengx gih “1+14+111” yungzmeizdij bingzdaiz、gak dingh giz cwngvu sinhmeizdij itheij, yinx vunzlai gvangqlangh caeuqfaenh.

Gicej rox daengz, daj ndwen 3 ngoenz 26 daengz ndwen 4 ngoenz 26, swcigih caengzmienh cujciz maeuzveh 21 hangh cujyau hozdung caeuq gak deih gwnz muengx hozdung yaek laebdaeb haiguh, ndawde “ciet ndwen- ngoenz raeuj sim” yaek laebdaeb guh daengz ndwen 5 ngoenz 26.

(Cangh Anhyenz Cinz Ligez)