●Mboengqneix, Hozciz Si Gunghdengiz、Vanz- gyangh Gunghdengiz caeuq Vanzgyangh Donzyenveij lienzhab youq Dacaiz Yangh, haiguh aen hozdung gagnyienh fugsaeh. 50 lai boux bouxcoz bouxgag- nyienh caeuq duiyenz aen doih guhhong capyouq mbanj bae daengz gyang reih gyang naz, ciengj seiz mbwn ndei, guh ndei yawh- fuengz binghraq doengzseiz, bang ranzgungzhoj dwk bwnh caeuq dajndaem makgam, bangrengz seizcin dajndaem.

(Veiz Yencunh)

●Mboengqneix, Dwz- bauj Yen youq Nazgyaz Cin Dacangh Cunh dieggoek gonengznuengx banh aen hoih son’gyauq dinfwngz ciengx nonsei dajndaem gonengznuengx. Baez son- gyauq neix, cujyau son dinfwngz fuengz yw nonsei baenzbingh caeuq fuengz yw gonengznuengx deng nonhaih, caemhcaiq dang- ciengz gejdap gij vwndiz siengzsaeq vunz ciengx nonsei cam haenx.

(Banh Cigyangz)

●Daj baenz binghraq doxdaeuj, Nazboh Yen Dwzlungz Yangh cujciz cunh ganbu、canghyw、gingjcaz、bouxgagnyienh gapbaenz aen doih riuz- doengh cunz lenzfangz lenzgung hoenx binghraq, doenggvaq Vahbujdungh、Vahcuengh、Vahmyauz daengj lai cungj vah bae daengz gak mbanj cunz naeuz, senhconz gij cihsiz yawhfuengz binghraq.

(Denz Gyauhnaz)

●Mboengqneix, Loz- yez Yen Yajcangz Yangh youq Veijgouh Cunh Mbanjnazcwngz banh aen yizsi Yajcangz Yangh Cwngfuj、Aen Cungsim Anceiq Yizminz ndaw yienh、Gendungh Douzswh Cizdonz doengzcaez bangfuz Yajcangz Yangh “seiq siuj canjnieb” fat gaeqlwg, baez neix fat gaeqlwg mbouj aeu cienz cienzbouh dwg gij gaeqlwg ndei dingj ndaej bingh caeuq gvenq dieg vaiq.

(Cinz Yenvaz)