Seizneix miz binghraq,

Ra canghyw bangcoh,

Haujlai vunz mbouj rox,

De sinhoj dwgrengz.

Canghyw dangq daxboh,

Sinhoj vih vunzlai,

Bouxlawz bingh naek lai,

Daiq daeuj yw couh baenz.

Canghyw dangq daxmeh,

Miz de bingh mbouj lau,

Boux iq caeuq bouxlaux,

De bauj raeuz ndang cangq.

Canghyw dangq bohmeh,

Miz de bingh mbouj you,

Miz bingh naek bingh mbaeu,

Raeuz mbouj yungh yousim.

Dwggyaez boux husw,

Binghraq naek cix damz,

Ngoenzngoenz bae hwnjban,

Ndawranz mbouj ndaej goq.

Husw sim caen ndei,

Meiz(miz) vunz heuh couh daeuj,

Boux bingh naek bingh mbaeu,

De souj lumj bohmeh.

Ndaw yihyen seizneix,

Caen dwg ndei mbouj gvaq,

Husw youq doiqnaj,

Miz maz saeh couh daengz.

Beuj nyouh youh beuj haex,

Husw guh ndaej ndei,

Ngoenz dauqdauq baebae,

Mbouj ae saek coenz haemz.