Giz gungxdah iqiq laj ndoibya de, dwg gungxdah ceiq gyaeundei、vunzlai ceiq gyaez de.

Benq raiq gungxdah de, miz sa seuqsatsat unqnemnem, miz rinmax- luenx hunghung iqiq ndeiyawj dahraix. Geij go faexhung doiqhamq de, iet raemhfaex mwncupcup de gvaq gwnz raemx daeuj raemh gwnz raiq. Banringz oemfwdfwd, daeng- ngoenz dak haenq lai duzbeih cungj mbouj gamj mbin bae, seizde gungx- dah goj liengzsisi nei. Gou ciengz- seiz yawjraen, geij duz roegdemqbya youq ngafaex gwnz raemx baenz- ngoenz baenzngoenz bae, daengz haemh cungj mbouj ngah mbin deuz. Aenvih——

Giz gungxdah iqiq laj ndoibya de, dwg gungxdah ceiq gyaeundei、vunzlai ceiq gyaez de.

Ga dah daj luegbya gyae- gyanggyang ndawde lae okdaeuj de, raemxlangh ndaw dah vueng’vueng vatvat hujhujhazhaz doxdawz byaij roen, baez daengz giz gungxdah laj ndoibya de, couh caemrwgrwg le, mbouj doxdawz ganj roen lo, cungj gyaez daengx youq gizneix mbouj ngah deuz nauq. Gou daj rangh baihgwnz cuengq haujlai aen ruziq ronggya roengz ndaw dah bae, ruziq lae daengz gungxdah goj menhmenh daengx roengzdaeuj, youq giz gungxdah neix baenq bae baenq dauq, mbouj ngah deuz nauq. Aenvih——

Giz gungxdah iqiq laj ndoibya de, dwg gungxdah ceiq gyaeundei、vunzlai ceiq gyaez de.

（Daj《Bonjsei Sim Lwgnyez》（Veiz Gizlinz raiz）senj okdaeuj, Lwgfwngzmeh/卢奋长 hoiz）