Ndwen 2 ngoenz 12, youq Aen Cijveihbu Yawhfuengz Gaemhanh Binghraq Yungzanh Yen, vunz guhhong cingq daeh gij yw giensoengq haenx. Ngoenzhaenx, Yungzanh Yen aen giyez guh yw ndeu aeu buek yw daih’it dauq guhhong haenx, 100 sieng(sieng 60 daeh, daeh 20 daeh iq) fuzfangh banjlanzgwnh ywnaed gyaqcienz dij 12 fanh maenz soengq hawj vunz guhhong itsienq yawhfuengz gaemhanh binghraq aen yienh neix, vih vunz guhhong itsienq yawhfuengz gaemhanh gunghawj yungh yw baujcang, caenh’itbouh daezsang dingj binghdoeg naengzlig, hawj vunz guhhong haenqguh youq itsienq yawhfuengz gaemhanh binghraq haenx ansim guhhong, engq ndei guh ndei hong yawhfuengz gaemhanh binghraq, vih cienzmienh dwkhingz ciengzciengq lanzhoenx yawhfuengz gaemhanh binghraq okrengz.

(Danz Gaijhingh/谭凯兴)