Sinhgvanh feiyenz aen binghraq,

Gwnz laj cwngcwz coenz gangjlwnh;

Yiemzsuk cagaenj mbouj cuengqsoeng,

Dak hingz binghraq vih gyoengqvunz.

Baihgwnz cwngcwz cienz roengzdaeuj,

Gaenjgip seizgeiz aeu fugcoengz;

Geiq maenh okdou daep goujcau,

Gaej luenh gvaq sae youh gvaq doeng.

Sinhgvanh binghdoeg caen guh yak,

Raemj goenq goek rag siumied caez;

Henhoh lwgminz ndangdaej cangq,

Bouxboux rengz maenh coh naj bae.

Haucau bouxboux daeuj ciuqsouj,

Canghyw husw baihnaj dung;

Deqdaengz mbwn ndei ndaem maedlaeh,

Dok ngaz va hai caiq doxbungz.

Gangjmingz: Fwen neix dwg Fwen- naizdou Hwngzyen, youq saw ceiqlaeng coenz daihngeih caeuq coenz daihseiq haeujyinh.