●Geij bi neix daeuj, vunzlai Cingsih Si Sinhgyaz Yangh Dungbingz Cunh ciuq dieg bae guh, ndaem gvehoengz diegbya, aenvih dienheiq daegbied, hwnz ngoenz dohraeuj doxca lai, diegnamh hab ndaem gvehoengz caeuq dinfwngz ciep gvehoengz senhcin. Gvehoengz diegbya ndaem okdaeuj haenx aen hung、van lai、naeng mbang、naih yo naih daeh, ndaej gyoengq canghseng’eiq ndaw gih rog gih haengjgyaez.

(Hoz Byauh)

●Ndwen 2 ngoenz 15, Denzyangz Yen Fulenz、Cungjgunghvei lienzhab haiguh aen hozdung gvansim vunz ndaw ranz canghyw, faenbied aeu byaek、mienh、haeuxsan daengj doxgaiq gwndaenj aeuyungh soengq bae hawj vunz ndaw ranz mbangj boux canghyw guh hong yawhfuengz gaem- hanh binghraq lij aeu ciuqgoq ndaw ranz haenx, camnai vunz ndaw ranz canghyw caemhcaiq gyo- mbaiq gyoengqde, hawj gyoengq canghyw cuengqsim guh hong hoenx binghraq.

(Vangz Gozsun)

●Bi 2019 doxdaeuj, Denhngoz Yen cujciz yienh gaep aen doih gangj gij cihsiz fuengz bingh’aiswh bae daengz mbanj、segih、gihgvanh、hagdangz haiguh gij hozdung senhconz yawh- fuengz bingh’aiswh, doeng- gvaq banh fuengz bingh- aiswh cihsiz gyangjcoz、bien ciengq fwen fuengz bingh- aiswh、fat senhconz swhliu daengj hingzsik guh senhconz hozdung, gya’gvangq gij naj cwgoemq senhconz cihsiz fuengz bingh’aiswh.

(Denz Siyenj)

●Mboengqneix, vunz guhhong Fuzseih Yen Cungj- gunghvei youq yienhsingz Roendungzcwng laeb dieg fat goujcau hawj vunzlai mbouj aeu cienz. Ngoenzhaenx, Fuzseih Yen Cungjgunghvei gungh fat goujcau 600 lai aen hawj vunzlai mbouj aeu cienz, gaijgez gij vwndiz vunzlai cawx goujcau hoj, demgiengz gij saenqsim caeuq gietsim gyoengqde hoenx binghraq.

(Vangz Naijfaz)