Mboengqneix, Guekgya Minzveij goengbouh gij mingzdan dieg hagsib song vah daengx guek miz daegsaek (dieggoek saedhengz), Gvangjsih Boux- cuengh Swcigih Baksaek Si Denzyangz Yen Licouh Yauzcuz Yangh、Hozciz Si Dunghlanz Yen Vujcon Cin 2 dieg ndaej senjhaeuj.

Ciuq cam rox, Guekgya Minzveij ciuq gij cingzgvang gak dieg bauq, ginggvaq guh lauxhangz bingzsaemj、bouhmonz saemjhaed、goengbouh daengj cwngzsi, caemhcaiq cunghab naemj gij cingzgvang hagsib yungh vah saw guekgya doeng’yungh caeuq vah saw minzcuz vunznoix、dieg faenbouh daengj gak fuengmienh yinhsu, daengx guek gvaengxlaengx laebdingh le 21 aen dieg hagsib song vah daengx guek miz daegsaek(dieggoek saedhengz), Gvangjsih Licouh Yauzcuz Yangh caeuq Vujcon Cin ndaej senjhaeuj.

Laeb dieg hagsib song vah daengx guek miz daegsaek(dieggoek saed- hengz) dwg vihliux haeujlaeg gvancez gij cingsaenz gangjvah youqgaenj Siz Ginbingz cungjsuhgi mizgven vah doxdoeng coicaenh gak minzcuz ngaeudoeng nyinhdoengz haenx, net- saed doicaenh hong gak minzcuz dieg minzcuz hagsib yungh vah saw guekgya doeng’yungh caeuq vah saw minzcuz vunznoix, bangrengz lajmbanj vut gungz gunggeng, coicaenh minzcuz doxgiet.

Licouh Yauzcuz Yangh caeuq Vujcon Cin Gvangjsih ndaej senjhaeuj dieg hagsib song vah daengx guek miz daegsaek(dieggoek saedhengz) ndaw bi neix hix yaek ciuq mizgven guhhong iugouz caeuq fueng’anq, haiguh hwnjguh dieggoek saedhengz, banh gak cungj hozdung hagsib song vah, coicaenh gak minzcuz doxgyau dox- doeng, vih cuknet gij eiqsik Cunghvaz minzcuz caezcaemh、fugsaeh dangj caeuq guekgya guhhong daihbuenz okrengz.

(Cangh Haijyingh Moz Liujgvei)