Ndwen 2 ngoenz 8, Guengjsae Muzlunz Bwzdanh Swnghdai Yinj- yungsuij Mizhanh Gunghswh caeuq Vanzgyangh Mauznanzcuz Swciyen Sinhfaz Daehyinh Mizhanh Cwzyin Gunghswh song aen giyez simndei, gien 100 gienh raemxmboqgvang caeuq 50 sieng mienhfuengbienh、gau hawj Vanzgyangh Mauznanzcuz Swciyen Gungh’anhgiz Gyauhdungh Gvanjlij Dadui, yungh neix gyo’mbaiq caeuq haeujcoengh minzgingj、fujgingj hwnz- ngoenz youq itsienq yawhfuengz gaemhanh binghraq haenx.

Daj laengzhoenx sinhgvanh feiyenz doxdaeuj, Vanzgyangh Mauznanzcuz Swciyen Gungh’anhgiz Gyauhdungh Gvanjlij Dadui daengxcungq minzgingj caeuq fujgingj cungj mbouj miz ngoenzgyaj, daengxcungq ok doengh, hwnzngoenz hoenxciengq, guhhong youq dieggamcaek gamcaek、cunz yawhfuengz gaemhanh、hen cizsi daengj, haenqrengz henhoh vunzlai sengmingh cienzcaiz ancienz.(Veiz Yui Veiz Liyingj/韦睿 韦力颖)