Ndwen 2 ngoenz 5, Ningzmingz Bien’gyaiq Gvanjlij Dadui gonqlaeng bae daengz bien’gyaiq Aiden Cin Ganh’ai Cunh Canggih、Ginzmwz、Luzsi sam aen mbanj Yauzcuz, fat gij senhconz swhliu yawhfuengz gaemhanh sinhgvanh feiyenz caemhcaiq gangj banhfap guh fuengz binghraq hawj beixnuengx Yauzcuz. Minzgingj iuheuh gyoengq beixnuengx Yauzcuz aeu daj henzgyawj guh hwnj, daj saeh iq guh hwnj, daap goujcau, gaenx swiq fwngz, noix okrog, mbouj gwn doenghduz doengh, mbouj dingq vahgyaj、mbouj cienz vahgyaj、mbouj saenq vahgyaj. Aeu demgiengz gij eiqsik fuengz raq, hag gij cihsiz fuengz raq, guh ndei hong fuengz raq, dazfwngz hoenx binghraq, caez henhoh aenbiengz bien’gyaiq onjdingh.(Couh Yizgangh Ningz Cinyij/周贻刚 宁俊宇)