Mbauq:

Wnggai yawjraen mak,

Mbouj dwg gak laj mbae(mbaw),

Mak hawj vunz dawz bae,

Ce mbae(mbaw) raeuz yawj yiengh.

Sau:

Gou naeuz mwngz daegbeix,

Mak leix youq laj mbae(mbaw),

Mbouj miz vunz dawz bae,

Venj laj mbae(mbaw) caj mwngz.

Mbauq:

Wnggai yawjraen mak,

Mbouj dwg gak laj nye,

Mak dawz gaq lawz ce?

Ce nye raeuz yawj yiengh.

Sau:

Gou naeuz mwngz daegbeix,

Mak leix youq laj nye,

Mbouj dawz gaq lawz ce?

Venj laj nye caj mwngz.

Mbauq:

Wnggai yawjraen mak,

Mbouj dwg gak gwnz go,

Mak dawz gaq lawz yo?

Ce go raeuz yawj yiengh.

Sau:

Gou naeuz mwngz daegbeix,

Mak leix youq gwnz go,

Mbouj dawz gaq lawz yo?

Venj gwnz go caj mwngz.

Mbauq:

Mak dwg bouxlawz guenj?

Suen dwg bouxlawz humx?

Ndaw mbouj miz go rum,

Suen humx ndaet humx maenh.

Sau:

Mak dwg meh gou guenj,

Suen dwg boh gou humx,

Guenj mbouj hawj hwnj rum,

Humx suen caj beix daengz.