Ndwen 1 ngoenz 20, Aenhoih Daengx Gih Minzcunghveij Cujyin youq Nanzningz hai. Swcigih Minzcunghveij dangjcuj suhgi、cujyin, Swcigih Dangjveij Dungj- canbu fubucangj Nungz Yungz caeuqfaenh hai hoih caemhcaiq gangjvah.

Aenhoih nyinhcaen cienz hag gij cingsaenz Aenhoih Daengx Guek Dungjcan Bucangj、Aenhoih Daengx Guek Minzveij Cujyin、Aenhoih Daengx Gih Dungjcan Bucangj daengj, giengzdiuh aeu aen swhsiengj sevei cujyi miz daegsaek Cungguek seizdaih moq Siz Ginbingz guh dazyinx, haeujlaeg gvancez gij cingsaenz Cibgouj Daih caeuq Cibgouj Gaiq Ngeihcung、Samcung、Seiqcung Cienzhoih Aendangj caeuq gij cingsaenz aenhoih byaujcangh daengx guek minzcuz doxgiet cinbu, dingjmaenh aeu cuknet gij eiqsik caezcaemh Cunghvaz minzcuz guh cawjsienq, dingjmaenh caeuq gaijndei aen cidu dieg minzcuz gagguenj, laebdaeb gyagiengz hwnjguh dieg guhyiengh minzcuz doxgiet cinbu, doidoengh minzcuz vwnzva hoenghvuengh cauhmoq hwngfat, cauhmoq doicaenh hong minzcuz seizdaih moq, henhoh dieg cungh- gyau huzndei onjdingh, mbouj- duenh raiz biencieng moq Guengj- sae gak minzcuz doengzcaez doxgiet haenqguh、doengzcaez hoenghvuengh hwngfat.

Aenhoih giengzdiuh, guh ndei hong minzcuz cunghgyau daengx bi, aeu daezsang diegndwn cwngci, laebdaeb haeujlaeg hagsib gvancez aen swhsiengj sevei cujyi miz daegsaek Cungguek seizdaih moq Siz Ginbingz; aeu gaemdawz guhhong cungjgihdiu, cauhmoq doidoengh hong minzcuz hwngfat ndei; aeu giengzvaq rapdawz sawjmingh, haenqrengz cienzmienh daezswng gij rengz hengzguh; aeu giengzvaq cwngci gvigawj, giengiet souj ndei daejsienq、mbouj bungq sienqnding.

(Moz Beibei Lozyinz Ginghyiz)