Ndwen 1 ngoenz 19, Aenhoih Gak Laeb Gih Si Dangjveij Doengjit Canjsen Guhhong Lingjdauj Siujcuj Nienzdoh Lwnhgangj Guhhong Bingzngeih Nem Aenhoih Daengx Gih Dungjcan Bucangj youq Nanzningz hai. Aenhoih cungjgez doxgyau gij cingz- gvang hong bi 2019, haeujlaeg faensik gij vwndiz miz haenx, cinjdeng gaemdawz hingzseiq moq yinvu moq, anbaiz baijbouh hong bi 2020. Swcigih Dangjveij Cangzveij、Dungj- canbu bucangj Ciz Sauconh caeuqfaenh hai hoih caemhcaiq gangjvah.

Aenhoih giengzdiuh, bi 2020, daengx gih gak gaep dungjcan bumwnz aeu itloh dingjmaenh aeu aen swhsiengj sevei cujyi miz daegsaek Cungguek seizdaih moq Siz Ginbingz guh dazyinx, haeuj- laeg hagsib gvancez gij cing- saenz Cibgouj Daih caeuq Cibgouj Gaiq Ngeihcung、Samcung、Seiqcung Cienzhoih Aendangj, nyinhcaen hagsib gij cingsaenz gangjvah youqgaenj Siz cungjsuhgi doiq hong Guengjsae haenx, haeujlaeg gvancez doeksaed gij swhsiengj youqgaenj Siz cungjsuhgi gvendaengz gyagiengz caeuq gaijcaenh hong doengjit cansen caeuq gak hangh gezcwz baijbouh Dangjcunghyangh、Swcigih Dangjveij, gyagiengz “seiq aen eiqsik”, giendingh “seiq aen gagsaenq”, guh daengz “song aen henhoh”, mbouj lumz goeknduj, gung- geng hoenxhoj, haenqrengz doidoengh hong dungjcan daengx gih cauhmoq hwngfat.

Aenhoih iugouz, daengx gih gak gaep dungjcan bumwnz itdingh aeu engqgya gaenjndaet doxgiet youq henz Dangj- cunghyangh aeu Siz Ginbingz dungzci guh haedsim haenx, dingjmaenh sawjmingh goek- nduj, dingh moegbiu yinvu, gamj cauhmoq gaijgwz, haenq- rengz gunggeng hoenxhoj, ceng aeu seizgan, mbouj nguh seizndei, haenqrengz raiz bien- cieng moq seizdaih moq hong dungjcan daengx gih, vih dwkhingz ciengz ciengq vut gungz gunggeng caeuq cienzmienh guhbaenz aen- biengz siujgangh, vih cauhlaeb aen Guengjsae gyaeundei、saedyienh aen loqsiengj fuk- hwng ok rengz engq lai.

(Moz Beibei)