●Ndwen 1 ngoenz 10, Lozcwngz Mulaujcuz Sw- ciyen Cungjgunghvei lienz- hab minzcwng、 gungh’anh、gyauhgingj daengj bouh- monz, youq aen camhheiqci ndaw yienh haiguh aen hozdung fugsaeh vunz guh- hong dauqranz， gunghawj raemxdangzhing ndat caeuq mienhfuengbienh daengj doxgaiq hawj vunz guhhong dauqranz, fat gij swhliu ancienz ok rog caeuq vunz- guhnaz cauhnieb couhnieb cwngcwz, raeuj sim gyoengq vunz guhhong dauqranz.

(Cinz Hwngzsi)

●Ndwen 1 ngoenz 11 dwg ngoenz cuengqgyaj aen ban Dujyauz Hocouh Si Gveibingz Gih Vwnzvaz Hagdangz, Hocouh Si Gyauhgingj fatdoengh aen giyez simndei ndawbiengz gapbaenz aen doih ci fug- saeh, hai ci geij cib goeng- leix roenbya, aeu ca mbouj geijlai 50 boux hagseng Dujyauz youq hagdangz doegsaw haenx soengq daengz Ngozdangz Cin Mingzmeiz Dujyauz Cunh, hawj hagseng Dujyauz ndaej ancienz dauqranz.

(Vangz Sihuz)

●Mboengqneix, Nanz- danh Lauxnienz Daihhag aen ban fwen haiguh aen hozdung soengq vwnzva bae mbanj. Baez hozdung soengq vwnzva bae mbanj neix, aen ban neix hopheux vut gungz gunggeng、lajmbanj saenq- hwng daengj neiyungz bien le 200 lai hot fwen, senhconz fuengcim cwngcwz dangj hawj vunzlai.

(Mauz Hijcing)

●Mboengqneix, Lungz- couh Yen Swhfazgiz lienzhab Yangjsuij Cin Cwngfuj youq aen cin neix haiguh aen hozdung senhconz fapceih. Baez hozdung neix gungh fat 3000 lai cek saw gvendaengz guhhong habdoengz、gyau- doeng ancienz、baujhoh swnghdai daengj 16 loh saw cienzdoh fap hawj vunzlai, vunzlai ndaej ik 800 lai vunz.

(Lij Gveizfungh)