●Ndwen 1 ngoenz 3, Lozyez Siuhfangz Dadui bouxvunz senhconz bae Mbanjhojmai haiguh aen hozdung senhconz seiz- doeng fuengz feiz fuengz cai. Mwh hozdung, boux- vunz senhconz fat siuh- fangz cihsiz senhconz swhliu hawj vunzmbanj, doengzseiz yungh gij vah doengsug rox ngaih haenx gangj gij daegdiemj gyayungh dengi hwnj feiz、ngoenznaengz fuengz feiz aeu haeujsim、feiz coemh baenzlawz gaggouq deuz- mingh caeuq baenzlawz cingqdeng bauq hojgingj daengj cihsiz hawj vunz- mbanj.

(Loz Meijli)

●Bi 2019 doxdaeuj, Lozcwngz Mulaujcuz Sw- ciyen Siujcangzanh Cin comzrengz cinjcing bang- gungz, haenqrengz gaij- ndei gij ndwenngoenz vunzlai, hawj vunzlai gya- lai vuenyungz. Bi’gvaq, daengx cin gungh miz 179 ranz 716 vunz ndaej vut gungz duet mauh, youq daengx yienh daiqdaeuz ndaej daengx cin vut gungz duet mauh, gij cingzcik vut gungz gung- geng yienhda.

(Luz Ciuhyinz)

● Mboengqneix,

Denhngoz Yen banh aen hozdung ganbu duiyouh “hoh yenzdan coux cieng- moq”. Hozdung miz dwk binghbanghgiuz、 dwk- baiz、dwk geizciengh daengj. Baez hozdung neix caenh’itbouh fungfouq gij ndwenngoenz ganbu duiyouh, gyalai gij angq- yangz ngoenzciet.

(Loz Caivanh)

● Mboengqneix,

Fuzsuih Yen vwnzva banggungz leih lwgminz yienjok nem citheiq bae mbanj hozdung bae daengz Gizliz Cin Gizcaij Cunh, yienjheiq ndeiyawj hawj vunzmbanj. Doeng- gvaq diuqfoux、gagciengq、yienj heiqcaijdiu daengj hingzsik, senhconz aen loqsiengj Cungguek caeuq gij vwnzva maenhndei Cunghvaz minzcuz.

(Hoz Vwnzvuj)