Yenzdan gaxgonq, Swcigih Minz- cunghveij youq “dieg guhyiengh aen- mbanj(segih) song vah huzndei daengx guek buek daih’it” Ningzmingz Yen Cwngzcungh Cin Gveizdangz Cunh banh gij hozdung aen vanjvei yienjheiq caeuq yenzdan guh’angq “fatyiengz Cuengh Gun song vah vwnzva huzndei, cukmaenh gij eiqsik caezcaemh Cungh- vaz minzcuz”.

Aen vanjvei yienjheiq miz 26 aen cezmuz, 200 boux vunzlai caeuqfaenh yienjheiq. Ndawde 6 aen dwg cezmuz yienjciengq, yungh Cuengh Gun song cungj vah yienj; 20 aen cezmuz dwg diuqfoux, miz fouxminzcuz caeuq foux- gvangjcangz. Vanjvei cezmuz cungj dwg vunzlai gag bien gag yienj, neiyungz miz naengzliengh ndei.

Vanjvei lij caphaeuj miz gij cihsiz minzcuz lijlun cwngcwz、gij cihsiz conzdungj vwnzva maenhndei Cunghvaz、gij cihsiz cinjcing banggungz daengj neiyungz mizciengj ceng dap hozdung dem, vunzlai gaenxmaenx caeuqfaenh.

Ciuq cam rox, Gveizdangz Cunh dangguh aen danhvei hwnjguh “dieg guhyiengh aenmbanj(segih) song vah huzndei daengx guek buek daih’it”, lai bi doxdaeuj, aen cunh neix hwnjguh song vah huzndei miz cinbu, gak cuz ganbu vunzlai doiq gij leixniemh song vah faplwd diegvih bingzdaengj、hag yungh bingzdaengj、minz Gun song vah huzndei haeujlaeg simvunz, caemhcaiq youq mwh guhhong gvaq ndwenngoenz gagrox hengzguh. Baez hozdung neix, neiyungz fungfouq hingzsik lai yiengh, gikfat gij gaenxmaenxsingq gak cuz vunzlai caeuqfaenh, caenh’itbouh giengzvaq hag caeuq yungh Cuengh Gun song vah, mboujduenh cuk- maenh gij eiqsik caezcaemh Cunghvaz minzcuz.

(Cangh Haijyingh Lij Lizyungj)