Bi 2019 ndwen 12 ngoenz 26, youq aen diengz hong fwngz mehmbwk Dungcuz Sanhgyangh Dungcuz Swciyen Duzdung Cin Dangzcauz Cunh gyoengq mehdajsiuq cingq nyaengq dajsiuq, vih guhsat gij dinghdan gaxgonq ciep haenx gyaban guhhong. Bi 2019 Cungguek Gimqdoeg Gihginhvei caeuq Aen Hozcozse Vunzmbanj Dangzcauz Cunh gya ciem habdoengz, soucawx gij siuq fwngzguh Dungcuz dij 60 fanh maenz, daiqdoengh 42 boux mehmbwk ranzgungzhoj louz mbanj caeuqfaenh guh siuq. Ciuq cam rox, Sanhgyangh Dungcuz Swciyen Duzdung Cin Dangzcauz Cunh laebdin gij cingzgvang aen cunh, cauhlaeb “aen diengz hong fwngz mehmbwk Dungcuz”, sonyinx mehmbwk louz mbanj doxcaez guh siuq. Ginggvaq suhgi daih’it capyouq mbanj lienzhaeh, ciep ndaej dinghdan cawx siuq, gyalai roenloh gai siuq; hwngfat gij canjnieb vut gungz miz daegsaek, hawj mehmbwk louz mbanj ndaej hwngfat, daiqdoengh Mhehmbwk youq ranz cauhnieb, ndaej goq ranz、cienz dinfwngz、vut gungz “sam mbouj nguh”.

(Gunj Yicungh/滚亿忠)