Bi 2019 ndwen 12 ngoenz 27, 2019 ciet vwnzva lijyouz makgamjgaet Yungzanh gaiq daihcib youq Yungzanh Yen Cungguek gungsiuh suen densangh doxgaiq reihnaz Gveiqbaek banh, baez hozdung neix aen cawjdaez dwg “densangh cinj- cing banggungz bangrengz hwngfat canjnieb”, haenqrengz senhconz gij cingzcik hwngfat makgamjgaet Yungzanh. Hoz- dung neiyungz baugvat “Gou dwg makgamjgaetvuengz Yungz- anh” doxdax、suen makgamjgaet cigboq lienzsienq caeuq dox- doeng、 canghseng’eiq cunzyawj、 dingh mak gangj ndei、yawjngonz suenmak daengj.

Baez hozdung neix, Yungzanh baengh aen seizgei ndei banh ciet vwnzva lijyouz makgamjgaet, comz gij rengz densangh, gyalai doigvangq gaisau gij doxgaiq baenzroix makgamjgaet Yungzanh, daiqdoengh gij doxgaiq miz daegsaek makgamjgaet Yungzanh byaij hwnj aen daizheiq hung, byaij coh seiqgyaiq, mboujduenh gyalai gij mingzdaeuz mak- gamjgaet Yungzanh.

(Danz Gaijhingh Vei Gangh/谭凯兴 卫 纲)