●Mboengqneix, Denh- ngoz Yen youq suenmak Luzbaiz Cin Nazcouh Cunh banh son’gyauq banggungz seizcou seizdoeng mak “sam daegsaek”. Baez son- gyauq neix cingj boux gisuzyenz ndaw yienh miz gingniemh fungfouq daeuj hwnjdangz, daengx yienh 9 aen yanghcin ranzguh- yiengh gohgi、boux fucwz aen hozcozse ciennieb dajndaem mak、ciengz mak ranz guh daengj caeuqfaenh son’gyauq.

(Banh Suhungz)

●Bi 2019 ndwen 12 ngoenz 21, Nanzdanh Yen Lijhuz Yauzcuz Yangh heuhcomz guh aen hozdung doxgyau vwnzva aennyenz Bwzguyauz Nanzdanh Yen. Doenggvaq doxgyau hoz- dung, dap aen bingzdaiz doxgyau hag vwnzva aen- nyenz Bwzguyauz, caenh- itbouh vatcimh gij vwnzva neihanz aennyenz Bwz- guyauz, rengzrwd doi- doengh swnjcienz caeuq hwngfat vwnzva aennyenz Bwzguyauz.

(Mwz Yenmeiz)

●Bi 2019 ndwen 12 ngoenz 25, Ningzmingz Yen banh comzyienj yienjheiq aen hozdung cauhlaeb minzcuz doxgiet cinbu. Vanjvei gungh miz 15 aen cezmuz, neiyungz miz gofoux、citheiq、ciengqgo daengj, cungj dwg vunzlai Bouxcuengh、Yauzcuz、Bouxgun dangdieg daengj lai aen minzcuz bienbaiz caeuq yienj.

(Sinh Gyahbingz)

●Geij bi neix daeuj, Lungzcouh Yen Sanglungz Yangh gaenxmaenx damq- ra, daj diegnamh “gaiq iq caeuq gaiq hung” daengz fanh moux “dieggoek song sang”, caiq daengz cauh- moq hwngfat ndaem oij gya ndaem gaiq wnq, nungzyez mboujduenh daezsang caetliengh gyalai yauqik, cugyamq guhbaenz gij ginghci vunqsik gya- goeng、dajndaem caeuq dajciengx sam loh hezdiuz hwngfat, doidoengh le Sanglungz Yangh ginghci hwngfat ndei.

(Yi Cing)