Ndwen 12 ngoenz 19 banhaemh, Denzyangz Yen baenz cien boux lauxsae hagseng caeuq gyoengq bouxgyaez ciengqgo comz youq aen dalijdangz Aen Cungsim Vwnzva Baeuqroxdoh, yawjngonz aen hoih ciengqgo cienciengz Baksaek Si Denzyangz Yen Gvangjsih bi 2019 gauhyaj yisuz haeuj hagdangz hozdung, hozdung dwg Swcigih Gyauyuzdingh cujciz banh, Gvangjsih Yisuz Yozyen aen duenz habciengq bae yienj.

Ciuq cam rox, vih caenh’itbouh fungfouq hagdangz vwnzva, daezsang lauxsae hagseng yisuz siuhyangj, mboengqneix, Swcigih Gyauyuzdingh cujciz Gvangjsih Yisuz Yozyen caeuq Gvangjsih Yenjyi Cizdonz Mizhanh Cwzyin Gunghswh gyauhyangjyozdonz bae gak dieg haiguh bi 2019 gauhyaj yisuz haeuj hagdangz hozdung. Haemhhaenx youq Denzyangz Yen yienjok, cezmuz miz cabsing habciengq、gagciengq song cungj ciengqgo, diuzgo miz 《Mbouj Lumz Goeknduj》《Henhoh Vangzhoz》《Roeggacak Douh Nga》 daengj 14 diuz, hawj gyoengq lauxsae hagseng caeuq bouxgyaez ciengqgo ndaej yawj ciengz heiq ndei ndeu, yienjok yienhciengz ndaej daengz gyoengq bouxyawj dopfwngz haenh.

(Vangz Gozsun Vuj Vwnzdonh/黄国顺 伍文端)