Ndwen 12 ngoenz 16, aen heiqdaiz Gveilinz Si Hingh’anh Yen Vazgyangh Yauzcuz Yangh Yuiveij Cunh daeng ronghsagsag, gyoengq beixnuengx Yauzcuz Vazgyangh Yauzcuz Yangh ndang daenj buhvaq moqsag caj gyoengq beixnuengx Yauzcuz Ginhsiu Yauzcuz Swciyen daeuj daengz. Neix cingq banh aen hozdung Ginhsiu·Hingh’anh song dieg doxgyau feihvuzciz vwnzva yizcanj caeuq langhbaij 《Foux Gyong Vangzniz》Ginhsiu Yauzcuz Swciyen guekgya gaep feihvuzciz vwnzva yizcanj baujhoh hanghmoeg.

Baez hozdung neix youz Ginh- siu Yauzcuz Swciyen Vwnzva Gvangjden Caeuq Lijyouzgiz、Hingh’anh Yen Vwnzva Gvangjden Dijyuz Caeuq Lijyouzgiz、Vaz- gyangh Yauzcuz Yangh cawjbanh, Ginhsiu Yauzcuz Swciyen Vwnzva- gvanj、 Hingh’anh Yen Vwnzva- gvanj ciepbanh. Hozdung dwg vih gyalai lohnaemj, coicaenh Gveilinz Hingh’anh、Laizbinh Ginhsiu song aen yienh doxvuenh haiguh baujhoh guekgya gaep feihvuzciz vwnzva yizcanj caeuq doxhag gij gingniemh guhhong “feihyiz+lijyouz”.

(Bangz Yaujvaz Gungh Hinghvaz Vangz Danhniz/庞晓华 龚兴华 王丹妮)