●Ndwen 12 ngoenz 18 banhaemh, Baksaek Si Yougyangh Gih youq Bak- saek Swnhlinz Gvangjcangz banh comzyienj heiq lenz- cwng, aen cawjdaez dwg “cienz rumz seuq heiq cingq·hwnq Yougyangh cingliemz”. Yienjok miz siujbinj、vaiqbanj、heiq、diuqfoux daengj, cezmuz giethab bonjdieg minzcuz daegsaek, senhconz gij cingzgoj haeujlaeg haiguh daj yiemz guenj dangj.

（Vangz Cwngzgvei)

●Mboengqneix, Denz- yangz Yen Bahbez Yangh Veiswngh Giswnghsoj、Yangh Veiswnghyen lienz- hab haiguh aen hozdung hauxseng cangqheiq seng ndei ciengx ndei coicaenh hanghmoeg senhconz caeuq yawj bingh mbouj aeu cienz. Baez hozdung neix, cujyau miz cangqheiq ciengxndang、gij cwngcwz veiswngh giswngh、camcaz faplwd、yawj bingh mbouj aeu cienz daengj senhconz caeuq fugsaeh hozdung.

(Veiz Bungz)

●Ndwen 12 ngoenz 19, Cingsih Si Fulenz cujciz mizgven giyez bae Dwnh- banz Yangh Cungsim Siuj- yoz aen si neix haiguh bi 2019 gvansim lwgnyez louz mbanj caeuq hagseng gungzhoj “raeuj doeng hengzdoengh”, soengq cienzcamnai caeuq daehsaw bae hawj 16 boux lwggyax caeuq lwgnyez ranzgungzhoj aen yangh neix, caemhcaiq caeuq gyoengqde gangjgoj, roxyiuj gij cingzgvang hagsib gyoengqde.

(Vangz Anhcungh)

●Ndwen 12 ngoenz 18, aen ban son’gyauq gihbwnjgungh Heiqcuengh baihbaek caeuq citheiq bae mbanj yienj youz Lingzyinz Yen Vwnzva Dijyuz Gvangjden Caeuq Lijyouzgiz cawjbanh、Lingzyinz Yen Vwnzva’gvanj ciepbanh haenx, youq Lingzyinz Yen Cauzlij Yauzcuz Yangh Luzcoz Cunh haiban. Daengx yangh 8 aen doih seizhoengq 70 lai bouxyienj vunzguhnaz caeuqfaenh son- gyauq.

(Biz Cujbauj)