Boh ha, mwngz iq lumj gou seizde, dwg baenzlawz ne? Daxmeh mwngz moeb mwngz lwi? Daxmeh mwngz moeb mwngz seizde, mwngz goj daej ma?

Mbouj rox ma? Boh ha, saeh ndanggaeuq mwngz cungj mbouj rox ga?

Lumz gvaq lwma? Boh ha, mwngz vihmaz mbouj geiq youq ndawsim ne?

Gvaq nanz lai lwma? Gij saeh seiziq geiq youq ndawsim de, gvaq nanz lai le, couh mbouj miz saekdi lwma?

Dahraix ha? Seizgan dwg lwgcaeg, de rox caeg gij saeh geiq youq ndawsim haenx deuz bae ma? Nyaenx mwngz vihmaz mbouj re di ne, boh ha! Seizneix, gou deng lai re di bw, gou coj mbouj hawj seizgan daj ndawsim gou caeg gij saeh gou roxgeiq de bae.

（Daj《Bonjsei Sim Lwgnyez》（Veiz Gizlinz raiz）senj okdaeuj, Lwgfwngz- meh/卢奋长 hoiz）