Banh Geiqniemh “12·9”

Yindung Gyaez Guek Ciengqgo Doxdax

Vih geiqniemh “12·9” yindung, fatyiengz gij ceiqheiq senhlez, swnjcienz caeuq fatyiengz gij cingsaenz gyaez guek cujyi, gungganq hagseng gij cingz daudwz gauhsang, ndwen 12 ngoenz 9, Lozcwngz Mulaujcuz Swciyen Daihngeih Gaugaep Cunghag banh geiqniemh “12·9” yindung gyaez guek ciengqgo doxdax.

Ngoenzhaenx, aen hagdangz neix cujciz 27 aen ban 3 aen nienzgaep guh aen doih habciengq, yungh sing go goksad yienjciengq 《Geiznding Mbinfefe》《Vunz Cungguek》《Gou Caeuq Guekcoj Gou》《Henhoh Dahvangzhoz》《Mbouj Miz Gungcanjdangj Couh Mbouj Miz Cungguek Moq》 daengj 27 diuz go gyaez guek gingdiemj vunz lai sug rox haenx.Daengx ciengz doxdax, aen doih habciengq gak ban cingsaenz gvaekgvaek, diuz dem diuz go gyaez guek danqhaenh dangj、danqhaenh guekcoj, hawj vunz gikdoengh dangqmaz, bouxyawj yienhciengz cungj dopfwngz haenh.

(Liu Gvanghfuz Liuz Veijcungh/廖光福 刘韦忠)