Ndwen 12 ngoenz 7 daengz 9, youq gwnz ciet makdoengj ndaw nding caeuq gyahden bozlanjvei 2019 Gvangjdungh Lenzgyangh banh haenx, gyoengq canghheiq ndawbiengz、bouxguhhong vwnzyi minzcuz daengj daj Gvangjsih Yungzsuij Myauzcuz Swciyen daeuj haenx ndaej cingj hwnj daiz yienjheiq, langhbaij le Yungzsuij feihyiz vwnzva, vih ngoenzciet angqyangz gyalai loh gingjsaek minzcuz daegbied Mbanjmyauz ndeu, hix vih Lenzgyangh caeuq Yungzsuij banggungz doxgap gyalai cingzngeih.

Bi 2017, cien leix aenyienz diuz sienq yien, Gvangjsih Yungzsuij baengh bya caeuq Gvangjdungh Lenzgyangh youq henz haij haenx daj neix doxgap, yamq gvaq haujlai gyae, guhbaenz bouxdoih, ciengqgok hot go baihdoeng baihsae banggungz doxgap. Ciuq gij lohnaemj “Yungzsuij aeuyungh, Lenzgyangh guh ndaej”, doengzcaez guh ndei song mbouj you baujcang、canjnieb hwngfat、swnghdai lijyouz daengj hong, gyavaiq yamqdin vut gungz baenz miz.

(Veiz Ciginh Mungz Vazcingh/韦志军 蒙华清)